Fryske ASMR

Hannen efkes út 'e klaai en genietsje fan dizze ASMR-podcast spesjaal foar klaaikluten. Fryske wurden en siswizen, mar dan mei in moai tintsje fan 'e klaai.

Meastentiids is it net fatsoenlik om mei de mûle fol te praten, mar yn dizze podcast mei it. Hearlik genietsje fan it lûd hoe't in stikje sûkerbôle opsmikkele wurdt. Hast misofonie? Dan is dizze podcast net foar dy

Lit dy ûnderdompelje yn de wrâld fan de Wâlden. Typyske klanken en wurden út 'e Wâlden, mar dan op in sêfte toan.

Yn dizze ôflevering flústerje wy dy de moaiste Fryske wurden en siswizen yn. Gean der lekker foar sitten, ûntspan én doch wat ynspiraasje op

"Wat in bjusterbaarlik barren" of "As it net kin sa't it moat, dan moat it mar sa't it kin". Yn dizze podcast flústerje wy dy de moaiste Fryske wurden en siswizen yn. In podcast dy't dy helpt om rêstich te wurden en folslein te ûntspannen.