Kefaya Ba2a | كفاية بقى

كل سنة وأنتم طيبين وعيد سعيد عليكم جميعًا! مكملين مع "كفاية بقى" في آخر حلقات الموسم الرمضاني الاستثنائي، والنهاردة بنودع الشهر الكريم ونستقبل العيد بجرعة مكثفة من النوستالجيا.

في الحلقة دي، علاء الشيخ قرر يسيب "تأنيب الضمير" اللي بيجيلنا في آخر رمضان، ويرجعنا لأحلى ذكريات "ليلة العيد": من أول حماية العيد والبرش اللي بيحصل في الحمام، لطقوس "بيجامة العيد" بفتحة الرقبة الضيقة اللي كانت بتحتاج عملية ولادة طبيعية عشان تلبسها. اتكلمنا كمان عن عذاب جزمة العيد اللي بنفضل نشم فيها أسبوعين وممنوع نلمسها، وعن "تحويشة العمر" وصدمة عيدية الـ 267 جنيه وربع.

وطبعاً كان لازم وقفة عند تجمع العيلة في بيت الجدة، وصدمة "تغير الرؤية" اللي بتبوظ كل الخطط.

الحلقة دي هي مسك الختام، نزلت دلوقتي على يوتيوب وكل منصات البودكاست. برعاية M squared.

Follow us :

فيسبوك - https://www.facebook.com/TPPnetwork.FB

إنستاجرام - https://www.instagram.com/tpp.network

تيك توك - https://www.tiktok.com/@tpp.network

Hosted by Simplecast, an AdsWizz company. See pcm.adswizz.com for information about our collection and use of personal data for advertising.

خلاص بنفنش رمضان وبنودعه، كان لازم نخصص حلقة لواحد من أهم طقوس الشهر ده وهو "المسلسلات".

في الحلقة دي من بودكاست "كفاية بقى" بنسخته الرمضانية، علاء الشيخ بيحلل بأسلوبه دراما رمضان السنة دي. اتكلمنا عن  تقطيع الشرايين والغم اللي مسيطر على أغلب الأعمال، وقارنا بين مسلسلات زمان اللي كان فيها توازن وبين زحمة النجوم "الأوفر" دلوقتي.

ناقشنا ظاهرة "التفكك الأسري" والطلاق اللي بقى بطل المسلسلات من أول حلقة، وحللنا كاركترات فنانين زي عصام عمر، أحمد مالك، وماجد الكدواني.

وطبعاً كان لازم وقفة عند "قطر صغنطوط" والراكورات الغريبة اللي ظهرت فيه.

حلقة مليانة نقد فني بطعم الفضفضة، بنحاول فيها نفهم ليه مبقاش فيه مسلسلات كوميدية "نقطة" تروّق علينا في الصيام.

الحلقة نزلت دلوقتي على يوتيوب وكل منصات البودكاست. البودكاست بينزل كل يوم اتنين وجمعة، برعاية M squared.

 

Follow us :

فيسبوك  - https://www.facebook.com/TPPnetwork.FB

إنستاجرام - https://www.instagram.com/tpp.network

تيك توك - https://www.tiktok.com/@tpp.network

Hosted by Simplecast, an AdsWizz company. See pcm.adswizz.com for information about our collection and use of personal data for advertising.

بما إننا في العشر الأواخر وخلاص رمضان بيودعنا، كان لازم نخصص حلقة للكلام مع "جمهور كفاية بقى" عن طقوسهم في الشهر الكريم.

 

في الحلقة دي من بودكاست "كفاية بقى بالله عليك" بنسخته الرمضانية، علاء الشيخ قرر يقرأ ويناقش أغرب العادات والتقاليد الرمضانية اللي بتميز بيوت الجمهور. اتكلمنا عن "ريتشوال" غسيل الستائر وتسييق البيت بالماء والصابون في عز الصيام وتعب التعب، وعن العيلة اللي بتفطر "كافيار" بس لازم على طبلية عشان "يحسوا بالفقراء".

 

كمان ناقشنا أفكار السحور الغريبة اللي بتبدأ من أول يوم بـ "كبدة مقلية وطحال"، والأب اللي بيصحي البيت كله يقعد قدام السفرة قبل الأذان بساعتين في طقس تعذيبي عجيب. حلقة مليانة ضحك على تفاصيلنا اللي مابتخلصش، من أول "خناقات الملوخية" لحد اللي بيقرروا يحلوا بـ "كحك" طول الشهر وناسيين إن العيد لسه مجاش.

 

الحلقة نزلت دلوقتي على يوتيوب وكل منصات البودكاست. البودكاست بينزل كل يوم اتنين وجمعة، برعاية M squared.

Hosted by Simplecast, an AdsWizz company. See pcm.adswizz.com for information about our collection and use of personal data for advertising.

والنهاردة مكملين معاكم في سلسلة "لعبة الصحاب" في جزء جديد وتفاصيل أكتر.

 

في الحلقة دي، علاء الشيخ قرر يفتح قلبه ويتكلم صاحبك المعروف اللي أجندته في رمضان مليانة عزومات من يوم ١ ليوم ٣٠، وبنشوفه بس في الوقفات. وكمان اتكلمنا عن "سامية ماجيفر" اللي كاسرة كل قوانين الفيزيا ومتابعة ٣٠ مسلسل في وقت واحد، وعارفة خريطة القنوات والمنصات بالثانية. وطبعاً مننساش "الشكو بيكو" اللي بيقضي رمضان كله بيشتكي من الصيام والحر والزحمة، و"فارس العصب" اللي خلقه بيضيق من أي حاجة وبيدخل في خناقات مع أي حد قدامه.

 

حلقة مليانة ضحك وتحليل لأنواع الصحاب اللي بنقابلهم كل رمضان، اسمعوا حلقة "لعبة الصحاب ٢” دلوقتي على يوتيوب وكل منصات البودكاست.

البودكاست بينزل كل يوم اتنين وجمعة، برعاية M squared.

Follow us : فيسبوك - https://www.facebook.com/TPPnetwork.FB إنستاجرام - https://www.instagram.com/tpp.network تيك توك - https://www.tiktok.com/@tpp.network

Hosted by Simplecast, an AdsWizz company. See pcm.adswizz.com for information about our collection and use of personal data for advertising.

خلاص عدينا نص الشهر والوقت بيجري، وعشان كده قررنا في حلقة النهاردة من بودكاست "كفاية بقى" في الصالون بنسخته الرمضانية إننا نفتح ملف "الإعلانات" في مصر

 

استضفنا النهاردة اتنين من أعز الناس لقلب علاء الشيخ في المجال ده: إسلام حسام وشيكو (شريف فؤاد). القعدة مكنتش مجرد كلام عن الشغل، دي رحلة في كواليس أشهر الكامبينز اللي شفتوها وحبيتوها؛ اتكلمنا عن قصة إعلان "إيجي بنك" وكاركتر "أوفا" الشهير، وإزاي إعلان "نسكافيه العيد" اتعمل بميزانية قليلة جداً وبفكرة ذكية وبسيطة.

 

كمان فتحنا شوية كلام كده على موضة الإعلانات اللي بتصرف ملايين على النجوم وبتنسى "الفكرة"، وناقشنا المصطلحات اللي بنسمعها في الاجتماعات زي "الجرانديوز" و"المانيفستو" اللي بتعقد الأمور وهي بسيطة.

حلقة مليانة حكاوي عن إعلانات اتمنعت، وأفكار لسه في الدرج، وذكريات "اللعبة" من أول ما بدأنا إنترنز لحد ما بقينا بنخرج وبنكتب أكبر الحملات.

 

حلقة " عايزين نعمل إعلان يفرقع " نزلت دلوقتي على يوتيوب وكل منصات البودكاست. #بودكاست_كفاية_بقى بالله عليك بينزل كل يوم اتنين وجمعة، برعاية M squared.

 

Follow us :

فيسبوك  - https://www.facebook.com/TPPnetwork.FB

إنستاجرام - https://www.instagram.com/tpp.network

تيك توك - https://www.tiktok.com/@tpp.network

Hosted by Simplecast, an AdsWizz company. See pcm.adswizz.com for information about our collection and use of personal data for advertising.