Stellingwarfs

Disse weke praoten we in Huus en Hiem mit de jongelui van de band Asbest.
Zanger Jannes Scheltinga en bassist Roan Lighthart strieken in de studio daele en samen mit Brent van der Meer maekt dit trio sund 2023 meziek.
Neffens de manluden is de stijl niet in ien woord te vangen.Rock and Roll mit wat blues invloeden. En ze bin niet bange om wat kontroversieel te wezen.
De zanger het et Stellingwarfs bestudeerd en d’r wat zien eigen dri’j an geven.Want Stellingwarfs is een stoere tael en dat past vule beter bi’j oonze meziek dan et Hollaans aldus Jannes.

Disse weke praoten we in  Huus en Hiem mit Otto de Vent uut de Fochtel.
Otto wod wel omschreven as streekkenner en groot vergaerder van alles wat mit historie te maeken het.
In de uutzending praoten we over De Fochtel en zien veldnaemen. Otto zien liefhebberi’jen en zien interesse in deStellingwarver tael.

In Huus en Hiem praoten we disse weke mit twie vertegenwoordigers van et projekt van akker naor bakker.
Karl Brouwer, de akkerbouwer uut Else schoeft in de studio an samen mit Eelke Rypkema, ien van de mulders van de meule uut Makkinge.
Van akker naor bakker is een projekt om de verbiending tussen de boer, de meule, de bakker en de konsement te verstarken. Hierbi’j is de biodiversiteit van de bojem een hiel belangriek uutgangspunt.
Op de akkers wod tarwe, haever en rogge verbouwd. In de meule wod dit vermaeld en verkocht. D’r gaot ok een diel naor OlmenEs waor ze d’r koekies van bakken en een diel gaot naor de regionale bakker. Die bakt d’r Weyerts Eygen brood van bakt.
Een biesterbaorlik projekt en perdukt uut eigen regio!

Huus en Hiem mit Christine Mulder.
Christine is warkzem bij de Stichting Stellingwarver Schrieversronte en onder de schoelnaeme Stien van Anne schrieft zi’j verhaelen, gedichten en kollums.
In de uutzending leest zi’j ien van heur eigen verhaelen veur.

Disse weke praoten we in Huus en Hiem mit Steven de Jong, acteur, regisseur en filmproducent, en sinds een jaortien eigener van de karke in Ooldehooltwoolde.
In de uutzending vertelt Steven dat hi’j as kiend al begonnen is mit tenielspeulen bi’j de plaetselike tenielveriening in Scharsterbrug. Zien eerste professionele acteerklus was in et bekende tillevisieprogramma Zeg ‘ns Aaaa.
Laeter speulde hi’j in Spijkerhoek, maekte hi’j Friese films As De gouden Swipe en De Fûke en verfilmde hi’j verscheiden kameleonboeken en Snuf de hondboeken.
In september gaot de filmkerk officieel los en vanzels moet d’r dan ok een Stellingwarfstaelige film maekt wodden…