ekerk Boodskap | Die Podcast

Ons hou daarvan om te weet wanneer dinge gaan gebeur. Maar wat maak ons wanneer die wagtyd langer raak as wat ons verwag het? Hoe bly ons gereed wanneer die lewe aangaan en dit voel asof God se beloftes lank neem om waar te word?

Hierdie Sondag help 𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 ons om deur Jesus se gelykenis van die tien meisies weer te kyk na wat dit beteken om met verwagting te leef, selfs wanneer die bruidegom langer vat as wat ons gedink het. #eKerk #Boodskap

Hierdie maand kuier ons saam met Sarel Visser van Incumbo wat met soveel deernis seniors bedien in onder andere verskeie ouetehuise en preek by die gemeenskap van Capital Park.  

Luister vandag na as ons saam gesels oor waar Sarel betrokke is en beleef net ‘n stukkie van sy ongelooflike deernis wat hy het met diegene wat ons soms so baie miskyk. 

Indien jy wil betrokke raak, kan jy Sarel ‘n WhatsApp stuur op 082 895 1982

Ons almal verlang na veiligheid. Ons soek dit in dit wat bekend en voorspelbaar is, in die dinge waarop ons kan staatmaak en die sekerheid dat môre alles nog in plek sal wees. Maar hoe veilig is dit waarop ons ons vertroue bou?

𝙋𝙞𝙚𝙧𝙧𝙚 𝙀𝙣𝙜𝙚𝙡𝙗𝙧𝙚𝙘𝙝𝙩 help ons om weer te kyk na waar ons ware veiligheid lê, en te ontdek wat dit beteken om ons vertroue te plaas in Jesus, die Een wat ons lewe in sy hande hou.

Wat beteken dit om só te leef dat God dit raaksien? Die Bybel nooi ons na ’n lewe waarin ons geloof sigbaar word in hoe ons elke dag voor God en tussen mense leef.

Stephan Joubert help ons ontdek hoe ’n lewe lyk wat God se oog vang, en wat gebeur wanneer ons begin leef met ons aandag op dit wat vir Hom saak maak.

#eKerk #Boodskap